Cucina Teorico-Pratica di Ippolito Cavalcanti

Pagina (392/440)

pagina

       

      392
      nce faje sciulià la frettata da dinto a lo piatto , la farraje cocere da cheli' auta parte , e de la stessa manera de primma lieve la frettata da la tiella ; la miette dinto a n' auto piatto pulito, e la faje servì n tavola.
      Frettata co le pommadore.
      Confromm' aje fatto co la cepolla, farraje co le pòmmadore ; mperò pigliarraje chelle pommadore ammature, ne lieve la pellecchia , e la semìnen-ta , le ntretarraje, e le farraje zoffritte com' a la cepolla , e de la stessa manera che t'aggio ditto ncoppa farraje chesta frettata.
      Frettata co la mozzarella.
      Doppo eh' avarraje sbattute Y ova tale, e quale coinm' a ncoppa, nce miettarraje, o li muzza-relle , o la provola janca pezzulle pezzulle e mbro-glianno ogne ncosa farraje la frettata jonna, jonna.
      Ova fritte.
      Nò saccio comme me pare, de te dicere com se fanno 1' ova fritte ; ma addovennole scrivere din-t'a sta cucina pe fa folla , t'arraccommanuo de frierle a uno a uno, ca si nò s' azzeccano nfra de lloro e no veneno bone ; quanno la nzogna fumme-cheja dinto a la tiella, nce mine Y uovo , e con-fromma vide che s'e quagliato sotto , co la vota-pesce lo vuote , cercanno de commiglià lo vruo-ciolo co chella velinia ; e accossì vedarraje ca vene cuotto comm'a na sfogliatella.
      y